Onları qul kimi işlədib... | QAİ-dən erməni diasporu və Okampoya sərt reaksiya

“Qərbi Azərbaycan İcması erməni diasporunun və onun muzdlu xidmətçisi Luis Okamponun əməllərini pisləyir və beynəlxalq ictimaiyyəti bu cür yaramaz ünsürlərlə mübarizəyə səsləyir”.

Bu sözlər Qərbi Azərbaycan İcmasının bəyanatında yer alır.

Bəyanatda bildirilir ki, erməni diasporu muzdla tutduğu Luis Okamponu fasad kimi istifadə edərək, Azərbaycana qarşı növbəti qarayaxma kampaniyasına başlayıb:

“Kampaniya BMT-nin İqlim Dəyişmələri üzrə Çərçivə Konvensiyasının Tərəfləri Konfransının 29-cu sessiyasına Azərbaycanın ev sahibliyi etməsini hədəf alıb. Sözügedən kampaniyanın müəllifi qismində verdiyi müsahibəsində L.Okampo özünü iqlim fəalı kimi qələmə verib, Azərbaycana qarşı böhtan atıb və soyqırımı, müharibə cinayətləri və insanlıq əleyhinə cinayətlərdə ittiham olunan separatçıların azad edilməsini tələb edib. L.Okamponun bir tərəfdən Azərbaycana soyqırımı böhtanı atması, digər tərəfdən soyqırımı cinayətlərini törədənlərin azad edilməsini tələb etməsi onun nə dərəcədə gülünc durumda olduğunu göstərir. L.Okampo həmin canilərin azad edilməsini tələb etmək əvəzinə, Ermənistanın hərbi təcavüzü nəticəsində itkin düşmüş 4000 azərbaycanlının taleyinə aydınlıq gətirməyə çalışmalıdır”.