Ordumuzu atəşə tutan erməni hərbçisi yaralanıb

Ermənistan-Azərbaycan şərti sərhədində Ermənistan Silahlı Qüvvələrinin növbəti təxribatının qarşısını alan Azərbaycan Ordusunun həyata keçirdiyi cavab tədbirləri nəticəsində erməni hərbçi yaralanıb.

Bu barədə Ermənistanın Müdafiə Nazirliyi məlumat yayıb. Yaralı hərbçi hospitala yerləşdirilib.

Qeyd edək ki, iyulun 12-si saat 05:45-də Ermənistan Silahlı Qüvvələrinin bölmələri Gorus rayonunun Dığ yaşayış məntəqəsi istiqamətində yerləşən mövqelərindən Azərbaycan Ordusunun Laçın rayonunun Zabux yaşayış məntəqəsi istiqamətində yerləşən mövqelərini atıcı silahlardan atəşə tutublar. Azərbaycan Ordusunun bölmələri cavab tədbirləri görüb.