Paşinyan Azərbaycanın ərazi bütövlüyünü tanıdığını təsdiqlədi
“Yaxın vaxtlarda demarkasiya işlərinin kartoqrafik əsaslarını dəqiqləşdirməliyik”.
Bu barədə Ermənistan Baş naziri Nikol Paşinyan iyulun 15-də Brüsseldə Azərbaycan Prezidenti İlham Əliyev və Avropa İttifaqı Şurasının Prezidenti Şarl Mişelle birgə keçirilmiş üçtərəfli görüşdən danışarkən deyib.
O, Azərbaycan və Ermənistanın bir-birinin ərazi bütövlüyünü tanıdığını və sərhədlərin delimitasiyası və demarkasiyasını Almatı Bəyannaməsi əsasında həyata keçirmək niyyətini təsdiqləyib.
Baş nazirin sözlərinə görə, Belçika paytaxtında ərazi bütövlüyünün qarşılıqlı tanınması məsələsi diqqət mərkəzində olub.
“Brüsseldə Ermənistan və Azərbaycanın bir-birinin ərazi bütövlüyünü tanımasının bir daha təsdiqlənməsi müzakirə olunub. Sərhədlərin delimitasiyası 1991-ci il Almatı Bəyannaməsi əsasında aparılmalıdır”, – deyə Nikol Paşinyan bildirib.
#Ermənistan teqi istifadə olunub
- "Boşboğazlıqdan başqa heç nə yoxdur" | Prezidentdən revanşist dairələrə xəbərdarlıq - Baku TV
- Vladimir Putin: "Faydalı "boşanma" yolu ilə gedəcəyik"
- Ermənistanda seçki öncəsi gərginlik: Azərbaycana qarşı revanşizm artır? - Baku TV
- Azərbaycandan Ermənistana yanacaq göndərildi | 16 vaqon yola salındı - Baku TV
- Moskvanın iyunun 7-də keçiriləcək seçkilərlə bağlı gizli planı ifşa olundu - Baku TV CANLI
