Paşinyan İlham Əliyevə təşəkkür etdi | Ermənistanın gələcəyi Azərbaycandan asılıdır?

“Siyasi mənada Ermənistanla Azərbaycan arasında münaqişə tamamlanıb, amma sosial-psixoloji cəhətdən davam edir”.

Bunu Ermənistanın Baş naziri Nikol Paşinyan “Orbeli: sülhün qurulması və çoxtərəfli əməkdaşlıq” adlanan beynəlxalq forumda deyib.

Onun sözlərinə görə, diplomatiyada problem yoxdur, sadəcə, yeni reallıqları qəbul etməkdə çətinlik çəkənlər var.

“Mən sülhdən danışanda, bu, bəziləri üçün yad və qəribə səslənir. Sülh Ermənistan və Azərbaycan üçün tanış anlayış deyil. Çünki onilliklər ərzində tərəflər bir-birini mübarizə prizmasından qəbul etməyə öyrəşiblər”, – deyə Paşinyan qeyd edib.

Ermənilərin Qarabağa qaytarılmasından bəhs edən Paşinyan bildirib ki, bu, sülh üçün risklidir.

“Vaşinqtonda Azərbaycanla razılaşdırılan məsələlərin reallaşdırılması logistika maneələrini aradan qaldıra və Avrasiya İqtisadi İttifaqının üzvləri və Mərkəzi Asiya üçün yeni ticari marşrutlar aça bilər”, – deyən Paşinyan Azərbaycanın tranzit mədudiyyətlərini aradan qaldırmasını örnək gətirib.

O bu münasibətlə Azərbaycan Prezidenti İlham Əliyevə bir daha təşəkkür edib.