Paşinyan kritik seçimi etdi, planlar alt-üst oldu | Vardanyan üçün...

“Paşinyan iki ildir ki, Bakıda həbsdə olan Ruben Vardanyanın azad olunması üçün barmağını da tərpətməyəcək. Bəziləri düşünür ki, İrəvan bu istiqamətdə hansısa addımlar atır, sadəcə heç nə alınmır. Amma bu, belə deyil”.

Bu sözlər “Hraparak”da yayılan yazıda qeyd olunub.

Məlumata görə, Vardanyanın azadlığa çıxması üçün ailəsi və dostları əllərindən gələni edirlər.

Onun vəkili bildirib ki, Vardanyanın sərbəst buraxılması üçün ABŞ Prezidenti Donald Tramp mühüm rol oynaya bilər. Hətta nüfuzlu ermənilərin bununla bağlı Trampın qızının əri Cared Kuşnerə müraciət etdiyi bildirilir. Lakin öncə Ermənistan hökumətinin bununla bağlı Ağ Evə müraciət etməsi lazımdır.

Hətta Ermənistanın ABŞ-dəki səfiri Lilit Makunts vasitəsilə Baş nazir Nikol Paşinyana mövzu ilə əlaqədar təklif göndərilib. Paşinyan isə Vardanyana görə rəsmi sənədə imza atmağı rədd edib. Paşinyan Amerikadakı ermənilərə bildirib ki, belə məktub Azərbaycanla sülh sazişinin imzalanmasına mane ola bilər.