Paşinyan özünü Qərb və Rusiya arasında "satır"?

“Ermənistanın Baş naziri iki daş arasında qalıb. Qərblə Rusiya arasında seçimini qərarlaşdıra bilməyən Nikol Paşinyan özünü hər tərəfə bir formada satır”.

Bunu rusiyalı politoloq Aleksey Naumov Qərbin Rusiyaya tətbiq etdiyi sanksyalar fonunda Ermənistanın ikibaşlı oyununu şərh edərkən bildirib.

“İdxal baxımından Ermənistan Rusiya üçün faydalıdır. Eyni zamanda Ermənistan Rusiya üçün xeyri bilinməyən formal müttəfiqliyini qoruyur. Paşinyan Ermənistanı Rusiyanın regionda təsirinə mane olan ölkə kimi qələmə verərək Qərbdən də faydalanmaq istəyir. Rusiyaya isə özünü Qərbin sanksiyalarından yan keçmək üçün kömək edən ölkə kimi təqdim edir. Məsələ isə bundadır ki, Ermənistanın Rusiyaya verə biləcək heç bir siyasi gücü yoxdur. Paşinyan müharibədə məğlub olan, qonşuları ilə kompromisə gedə bilməyən yoxsul ölkəni təmsil edir”, – deyə politoloq bildirib.

A.Naumov onu da qeyd edib ki, N.Paşinyanın Qərblə dostluğu Rusiyada alqışlanmır.