Paşinyan Qərblə Rusiya arasında var-gəl edir

Ermənistanın Baş naziri Nikol Paşinyan bir tərəfdən özünü Qərbpərəst, demokrat göstərir, digər tərəfdən də Rusiyaya səfər edib yaltaqlanır.

Mayın 9-da Moskvada keçirilən paradda iştirak edib, sonra Kişinyovda Avropa sammitinə qatılır. Bir sözlə, Ermənistan hakimiyyəti həm yekdil mövqeyi olmadığı üçün, həm də ikiüzlü ənənəsinə sadiq qalaraq, Qərblə Rusiya arasında var-gəl etməyə davam edir.

N.Paşinyanın iki kürsüdə oturmaq cəhdi artıq bu ölkənin dövlətçilik ənənəsinə çevrilib. Bir tərəfdən Ermənistanın vəzifəli şəxsləri Qərbə intensiv səfərlər edir və Rusiyanı qınayır, digər tərəfdən də N.Paşinyan Moskvaya səfər edib Ermənistanın Rusiyaya sədaqətini nümayiş etdirməyə çalışır. Bu isə nə Ermənistanın forpostu olduğu Rusiyaya, nə də mövqeyindən çıxış etməyə çalışdığı Qərbə sərf edir.

Qeyd edək ki, N.Paşinyan Rusiya Prezidenti Vladimir Putinlə iyunun 9-da Soçidə keçirdiyi görüşdə yenə yalan danışaraq, saxta məlumatlarla çıxış edib. O, Laçın yolunun bağlanmasına, Qarabağdakı ermənilərin vəziyyətinin ağır olmasına dair saxta ittihamlar səsləndirib. Halbuki bu, onsuz da kövrək olan sülh prosesi və etimad quruculuğu səylərinə ciddi zərər vurur, onun mövcudluğunu sual altında qoyur.