Paşinyan “türk” sözünə reaksiya bildirdi | İş o yerə gəlib çatıb ki..

"Azərbaycanla üz-üzə danışsaq belə, Türkiyənin varlığını görür və hiss edirik".

Bunu Ermənistanın Baş naziri Nikol Paşinyan bu gün keçirdiyi mətbuat konfransında deyib.

Onun sözlərinə görə, Türkiyə ilə münasibətlərdə mühüm addımlar atılır: "Biz danışıqlar aparırıq və inanıram ki, Türkiyə Prezidenti ilə apardığımız dialoq çox mürəkkəbdir, asan deyil, amma onun olması çox vacibdir.

Praqada Türkiyə prezidenti ilə pərdəarxası söhbətim oldu, həmin fotoşəkil internetdə yayıldı. Fotonun yaratdığı böyük çaşqınlıq, müzakirə, reaksiya və səs-küyü xatırlayıram. Komanda yoldaşlarımızın Ermənistandakı gərginliyini də xatırlayıram. Bəs bunda qəribə nə var? Əksinə, qəribədir ki, bir-biri ilə sərhəd olan iki ölkənin dialoqu yoxdur. Təsəvvür edin ki, qərar qəbul etmək, gedib Türkiyə Prezidentinin andiçmə mərasimində iştirak etmək nə qədər zəhmət tələb edir. Ermənistan və Türkiyə liderləri arasında telefon danışığı çox adi bir şey olmalıdır".

Paşinyan qeyd edib ki, Ermənistan Türkiyəni qonşu ölkə kimi deyil, Azərbaycanla münasibətlərdə vasitəçi kimi qəbul edir.

"Məni tənqid etmək üçün sosial şəbəkələrdə türk simvolları ilə təsvir edirlər. İş o yerə çatıb ki, elan etməli oldum. Dedim ki, məni təhqir etmək üçün "türk" deməyin. Məsələn, indi kimsə mənə "alman" desə, bundan inciməliyəmmi? Mən türk ifadəsini təhqir olaraq qəbul etmirəm", – o bildirib.