Paşinyandan sərhədlərin delimitasiyası barədə vacib açıqlama

Ermənistan Baş naziri Nikol Paşinyan mayın 15-i Tavuşda Ermənistan və Azərbaycan arasında sərhədlərin delimitasiyası üzrə protokolun imzalanmasını böyük uğur adlandırıb.

Hökumətin iclasında çıxış edən Paşinyan qeyd edib ki, bu, ölkəsinin suverenliyi və təhlükəsizliyinin daha da möhkəmləndirilməsi üçün təməl daşı hesab oluna bilər.

Baş nazirin sözlərinə görə, Ermənistan müstəqillik tarixində ilk dəfə rəsmi şəkildə delimitasiya edilmiş sərhədə malik olur.

“Bu isə təkcə protokolda əks olunan istiqamətdə deyil, bütövlükdə Ermənistan-Azərbaycan sərhəd xəttinin hər perimetri boyunca təhlükəsizlik və sabitliyin səviyyəsini yüksəldəcək”, – deyə Paşinyan bildirib.

O, bu prosesə görə Ermənistanın Baş nazirinin müavini Mher Qriqoryanın rəhbərlik etdiyi hökumət komissiyasına və digər səlahiyyətli strukturlara təşəkkür edib.