Paşinyandan sülhlə bağlı anons - Qalmaqallı açıqlama

Azərbaycanla Ermənistan arasında sülh yolunda əsas maneə Ermənistandakı revanşist qüvvələr kimi görünsə də, Baş nazir Nikol Paşinyan da onlardan geri qalmır.

Çünki N.Paşinyan hakimiyyəti özünü sülh tərəfdarı kimi göstərəcək açıqlamalar verərək, digər tərəfdən Qərbin çaldığı havaya oynamağa, ordunu silahlandırmağa və tutarsız açıqlamalar verməyə davam edir.

Baş nazir oktyabrın 2-də növbəti qalmaqallı açıqlamasını verib. O bildirib ki, Bakı ilə İrəvan arasında sülh sazişinin icrasına nəzarət üçün birgə komissiyanın yaradılması nəzərdə tutulur.

Bu zaman ortaya sual çıxır: tərəflər müqavilənin müddəaları ilə bağlı ortaq razılığa gəldiklərini nə vaxt açıqlayıblar? Çünki tərəflərin sülhlə bağlı razılaşması olmalıdır ki, daha sonra ona nəzarət edəcək komissiya yaradılsın. Eləcə də sülhün icrasına nəzarət komissiyasında kimlər təmsil olunmalıdırlar?