Paşinyanı dəli edəcək açıqlama: Müxalifət çevriliş üçün hərəkətə keçdi

“2021-ci ildə erməni müxalifəti dəstək istəyi ilə Rusiyaya müraciət edib”.

Bunu Rusiya Dövlət Dumasının deputatı Konstantin Zatulin “Qovorit Moskva” radiostansiyasına açıqlamasında deyib.

O, Rusiyanın müxalifətə dəstəkdən imtina etməsinə də münasibət bildirib.

Qeyd edib ki, rəsmi Moskva hakimiyyət dəyişikliyinin Azərbaycan, Rusiya və Ermənistan arasında imzalanmış Üçtərəfli Bəyanata təsir göstərə, eləcə də yeni müharibəyə səbəb ola biləcəyini düşünərək bundan imtina edib.

K.Zatulin hazırda Ermənistanda Rusiyaya ictimai dəstəyin azalmaqda olduğunu qeyd edib. O hesab edir ki, buna səbəb ölkədə media vasitəsilə Rusiyaya qarşı təbliğatların aparılmasıdır.

Qeyd edək ki, Rusiya Dövlət Dumasının deputatı, qatı ermənipərəst mövqeyi olan Konstantin Zatulinin 2022-ci ilin oktyabrından Ermənistana girişinə qadağa qoyulub. O, məsələyə münasibət bildirərək bunu təhqiramiz addım kimi qiymətləndirmişdi.