Paşinyanın nazirlərdən gizli xahişi: Hamıya təcili yayın ki...

“Ermənistanın Baş naziri Paşinyan hökuməti üçün ciddi təhlükə hiss edilir”.

Belə bir məlumatla bu ölkədə nəşr olunan “Joxavurd” qəzeti çıxış edib.

"Təhlükənin haradan gələcəyi hələ ki məlum deyil, amma bu faktdır ki, müxalifət partiyalarında da açıq-aşkar bir gözlənti nəzərə çarpır. Paşinyan və onun komanda yoldaşları arasında narahatlıq və qorxu mühiti hökm sürür. Erməni ictimaiyyəti isə artıq yaxın gələcəkdə onun yerinə kimin gələcəyi barədə suallara cavab axtarır”, – deyə nəşr yazır.

Qəzetin məlumatına görə, Paşinyan bütün nazirlərə və deputatlara tapşırıb ki, onlar öz beynəlxalq tərəfdaşlarına Rusiyanın Ermənistanda hakimiyyət dəyişikliyi etmək istədiyi barədə informasiyalar ötürsünlər:

“Paşinyan öz hakimiyyətini saxlamaq üçün hələ də Qərbin dəstəyini almağa çalışır. Bu məqsədlə Ermənistanın Baş naziri onun yerinə rusiyayönümlü qüvvələrin hakimiyyətə gələ biləcəyi ehtimalını xüsusi vurğulayır”.