Paşinyanın növbəti görüşdən gözləntisi

Ermənistan və Azərbaycanın xarici işlər nazirləri tezliklə Vaşinqtonda görüşəcəklər.

Bu barədə Ermənistan Baş naziri Nikol Paşinyan ölkənin Nazirlər Kabinetinin iclasında bildirib.

O, Vaşinqtonda daha əvvəl keçirilən danışıqlarda əldə olunan bəzi irəliləyişlərin inkişaf edəcəyinə ümid etdiyini vurğulayıb.

Qeyd edək ki, bir müddət öncə Azərbaycan Xarici İşlər Nazirliyi nazirlərin növbəti görüşünün dəqiq tarixinin müəyyənləşdirilməsi istiqamətində iş aparıldığını bəyan etmişdi. Ermənistan XİN isə Vaşiqntonda nəzərdə tutulan görüşün təxirə salındığı haqda məlumat yaymışdı.