Paşinyanın Putindən gözlənilməz xahişi | Peskovdan açıqlama
Kremlin mətbuat katibi Dmitri Peskov Rusiya hərbçilərinin Ermənistanın Azərbaycanla sərhəd ərazilərindən çıxarılmasını təsdiqləyib.
O bildirib ki, bu məsələ mayın 8-də Moskvada Ermənistanın Baş naziri Nikol Paşinyanla Rusiya Prezidenti Vladimir Putin arasında keçirilən görüşdə razılaşdırılıb.
“Erməni tərəfinin xahişi ilə Rusiya sərhədçiləri Ermənistan-Türkiyə və Ermənistan-İran sərhədində qalacaqlar”, – deyə D.Peskov qeyd edib.
Xatırladaq ki, hələ 2024-cü ilin martından etibarən İrəvan rusiyalı sərhədçilərin Zvartnots hava limanından çıxarılmasını tələb edib. Ermənistan parlamentinin spikeri Alen Simonyan da məsələ ilə bağlı açıqlama verərək bildirmişdi ki, Rusiya qoşunlarının mövcudluğu Ermənistan sərhədlərinin həssaslığını artırır. Belə bir bəyanatdan çox keçmədən rəsmi Moskva öz ordusunu sözügedən ərazidən geri çəkib.
#Rusiya teqi istifadə olunub
- Münaqişə ilə bağlı yeni mərhələ | İran şərtləri açıqladı - Baku TV
- Putin Trampa nə təklif etdi? | "Müharibə həlledici mərhələyə qədəm qoyur" - Baku TV
- İsrailin Rusiyadakı səfirindən önəmli açıqlama - Baku TV CANLI
- İrana humanitar yardım aparan Rusiya təyyarəsi Lənkəranda eniş edib - Baku TV
- Rusiya Azərbaycan vasitəsilə İrana nələr yollayır? - Baku TV
