Siyasət
Pleyeri seçin:

Peter Stanonun fikirləri qəbuledilməzdir | Ayxan Hacızadədən vacib şərh

28 sentyabr 2024

Avropa İttifaqının xarici məsələlər və təhlükəsizlik siyasəti üzrə mətbuat katibi Peter Stanonun Avropa İttifaqının Ermənistandakı missiyasının mandatı və Ermənistanın militarizasiyası barədə səsləndirdiyi fikirlər tamamilə əsassız və qəbuledilməzdir.

Bunu Xarici İşlər Nazirliyinin mətbuat katibi Ayxan Hacızadə deyib.

“Avropa İttifaqı rəsmisinin Azərbaycan Prezidentinin fikirlərini yanlış və açıq qərəzlə şərh etməsini qətiyyətlə rədd edirik.

Azərbaycanın razılığı ilə yaradılmış missiyanın mandatının heç bir əsas olmadan genişləndirilərək, onun guya bölgədə sülh və Azərbaycanla Ermənistan arasında normallaşma prosesinə dəstək rolunun olması fikirləri bu missiyadan necə sui-istifadə edildiyini göstərir.

Anti-Azərbaycan təbliğat aləti kimi fəal şəkildə istismar edilən bu missiya Azərbaycanın Ermənistan ilə apardığı normallaşma prosesində hər hansı bir rola malik ola bilməz.

Aİ missiyası təsis edilən gündən müxtəlif vədlərə baxmayaraq, missiya Azərbaycanın legitim maraqlarını nəzərə almayıb, missiya fəaliyyəti qarşılıqlı inam və etimadı təmin etməyib.

Aİ missiyasının rəhbəri dəfələrlə Ermənistan tərəfinin yalan və böhtan dolu iddialarını əsas tutaraq guya Azərbaycanın hər hansı bir hücuma hazırlaşdığı barədə fikirlər səsləndirdiyi, Aİ missiyasının əsas vəzifəsinin "Ermənistanı Azərbaycandan qorumaq" kimi təqdim edildiyi, bununla normallaşma prosesinə xələl gətirdiyi hər kəsə məlumdur. Bu mühitdə Ermənistan tərəfi Aİ missiyasının mövcudluğundan sui-istifadə etməkdədir.

Bununla yanaşı, bütün dünyada öz işğalçılıq siyasəti, Azərbaycana qarşı 30 ilə yaxın hərbi təcavüzü ilə tanınan Ermənistanın hərbiləşdirilməsinə yönəlmiş və daha böyük hərbi təchizatlara dair yeni vədlərin də yer aldığı kampaniya Azərbaycanın milli təhlükəsizliyinə təhdiddir. Bu prosesə Avropa İttifaqı mətbuat katibinin bəraət qazandırması narahatlıq mənbəyidir.

Qonşularına qarşı ərazi iddialarından əl çəkməyən Ermənistanın strateji hücum silahları əldə etməsi daxil olmaqla, kütləvi şəkildə hərbiləşmə siyasətinə son qoyulmaması bölgədə növbəti gərginliyin yaradılması səyləri kimi qiymətləndirilə bilər.

Azərbaycan bölgədə beynəlxalq hüququn əsas norma və prinsipləri əsasında davamlı sülhün, sabitliyin və təhlükəsizliyin tərəfdarıdır. Sülhə təhdid törədən addımların qətiyyətlə qarşısının alınması zəruridir”, – deyə Xarici İşlər Nazirliyinin mətbuat katibi Ayxan Hacızadənin açıqlamasında qeyd edilib.

Ceyhun Bayramov BMT Baş Assambleyasının 79-cu sessiyasında çıxış edib

Ceyhun Bayramov BMT Baş Assambleyasının 79-cu sessiyasında çıxış edib

Siyasət
29 sentyabr 2024
Ceyhun Bayramov Antonio Quterreş ilə görüşdü

Ceyhun Bayramov Antonio Quterreş ilə görüşdü

Siyasət
29 sentyabr 2024
Görüşmək istəsələr, biz hazırıq | Lavrovdan açıqlama

Görüşmək istəsələr, biz hazırıq | Lavrovdan açıqlama

Siyasət
29 sentyabr 2024
Kalafalar, Qızılxaraba, Qamışlı, Zərzibil, Zərkənd kimi tanınan kəndin adını Kut qoydular

Kalafalar, Qızılxaraba, Qamışlı, Zərzibil, Zərkənd kimi tanınan kəndin adını Kut qoydular

Siyasət
28 sentyabr 2024
Azərbaycanın yeni diplomatik prioriteti - Türk Dövlətləri Təşkilatı | GLOBAL PANORAMA

Azərbaycanın yeni diplomatik prioriteti - Türk Dövlətləri Təşkilatı | GLOBAL PANORAMA

Siyasət
28 sentyabr 2024
Bu, Paşinyanın geri addımıdır! | Ermənistan bütün iddialarından əl çəkir?

Bu, Paşinyanın geri addımıdır! | Ermənistan bütün iddialarından əl çəkir?

Siyasət
28 sentyabr 2024
Bu səviyyəyə düşmək biabırçılıqdır! | QAİ-dən Fransanın Ermənistandakı səfirinə sərt cavab

Bu səviyyəyə düşmək biabırçılıqdır! | QAİ-dən Fransanın Ermənistandakı səfirinə sərt cavab

Siyasət
28 sentyabr 2024
Ceyhun Bayramov Annalena Berbok ilə Ermənistanla bağlı müzakirə apardı

Ceyhun Bayramov Annalena Berbok ilə Ermənistanla bağlı müzakirə apardı

Siyasət
28 sentyabr 2024
Azərbaycan və Almaniya XİN başçıları nələri müzakirə etdi?

Azərbaycan və Almaniya XİN başçıları nələri müzakirə etdi?

Siyasət
28 sentyabr 2024
Nyu-Yorkda Azərbaycan-BMT əməkdaşlığı müzakirə olunub

Nyu-Yorkda Azərbaycan-BMT əməkdaşlığı müzakirə olunub

Siyasət
28 sentyabr 2024
Seçilmişlər
icon