Pezeşkianın Ermənistana səfəri nələrlə yadda qaldı? | Gündəmdə olan görüşün detalları

İran Prezidenti Məsud Pezeşkianın rəsmi səfəri zamanı Ermənistan və İran ikitərəfli münasibətlərini strateji tərəfdaşlıq səviyyəsinə qaldırmaq barədə razılığa gəlib.

Ermənistanın Baş naziri Nikol Paşinyan İrəvanda iranlı həmkarı Pezeşkianı qarşılayıb, burada iki lider və nümayəndə heyətləri geniş formatda danışıqlar aparıb, ardınca danışıqların yekunları üzrə birgə bəyanat imzalayıblar.

Pezeşkianın səfəri Ermənistan və Azərbaycanın ABŞ-nin vasitəçiliyi ilə bir-birinin ərazi bütövlüyünə hörmətlə yanaşmağı və 40 ilə yaxın davam edən münaqişəyə rəsmən son qoymağı öhdəsinə götürən sülh sazişini paraflamasından bir neçə gün sonraya təsadüf edir.

Razılaşmanın bir hissəsi olaraq ABŞ regionda strateji tranzit dəhlizinin eksklüziv inkişaf hüquqlarını əldə edib. Tramp administrasiyasının açıqlamasına görə, bu, ikitərəfli iqtisadi əlaqələri gücləndirəcək və daha çox enerji ixracına imkan verəcək.

Qeyd edək ki, avqustun 20-si Pezeşkianın Belarus Prezidenti Aleksandr Lukaşenko ilə görüşmək üçün Minskə gedəcəyi gözlənilir.