Praqa danışıqlarının sirri açıldı | Paşinyan "dönüş nöqtəsi"ni açıqladı

“Mən Ermənistanın ərazi bütövlüyünü tanımaq üçün Azərbaycanın ərazi bütövlüyünü tanıdım”.

Bu sözləri Ermənistanın Baş naziri Nikol Paşinyan deyib.

“Başqa yol yox idi, avqustun 8-də Vaşinqtonda imzalanan sülh sazişi ilə Ermənistanın təhlükəsizliyi daha da möhkəmləndi. Bu sənəd düzgün qiymətləndirilmir. Amma nəzərə almaq lazımdır ki, həmin razılaşma Ermənistanla Azərbaycan arasında imzalanan ilk ikitərəfli beynəlxalq sənəddir”, – deyə N.Paşinyan bildirib.

O əlavə edib ki, sənəd hər iki ölkə tərəfindən ratifikasiya olunub və hüquqi qüvvəyə malikdir.

N.Paşinyan 2022-ci ilin oktyabrında Praqa görüşünü də xatırladıb və vurğulayıb ki, Azərbaycanın ərazi bütövlüyünü tanımasaydı, Çexiya paytaxtında aparılan danışıqlar başqa məcrada gedəcəkdi, müsbət nəticə əldə olunmayacaqdı:

“Almatı bəyannaməsi əsasında Azərbaycanın ərazi bütövlüyünün tanınması həmin sənədə uyğun Ermənistanın da suverenliyinin qəbul edilməsidir. Praqada bununla bağlı siyasi razılıq əldə olundu”.

Onun sözlərinə görə, İrəvanın strategiyasında dönüş nöqtəsi də məhz bu idi.