Prezident Füzulidə: təməlqoyma mərasimləri keçirildi
Prezident İlham Əliyev Füzuliyə səfər edib. Şəhərdə inzibati binanın, ikinci və üçüncü yaşayış komplekslərinin, idman kompleksinin, 240 yerlik uşaq bağçasının təməlini qoyub.
Dövlət başçısı rayonunun Cuvarlı kəndinin təməlinin qoyulması mərasimində də iştirak edib.
Bildirilib ki, kəndə 1697 nəfərin köçürülməsi planlaşdırılıb. Burada ümumilikdə 291 fərdi ev və 2-4 mərtəbəli 21 yaşayış binası tikiləcək. Kənddə 312 şagird yerlik orta məktəbin, 50 yerlik uşaq bağçasının tikintisi planlaşdırılıb.
Prezident İlham Əliyev oktyabrın 16-da Füzuli rayonunun Qoçəhmədli kəndinin təməlini qoyub. Görüləcək işlər barədə dövlət başçısına məlumat verilərkən bildirilib ki, Qoçəhmədli kəndinə 1364 nəfərin köçürülməsi nəzərdə tutulub.
Burada ümumilikdə 341 fərdi evin tikilməsi planlaşdırılıb. Qoçəhmədli kəndində 264 şagird yerlik məktəb, 25 yerlik uşaq bağçası da inşa olunacaq.