Prezident İlham Əliyev Ağdamda açılışda iştirak etdi
Prezident İlham Əliyev və birinci xanım Mehriban Əliyeva dekabrın 24-də Ağdam şəhərində 2-ci yaşayış kompleksinin açılışında iştirak edib və buraya köçən sakinlərlə görüşüblər.
Ağdam, Füzuli və Xocavənd rayonlarında Prezidentin xüsusi nümayəndəsi Emin Hüseynov dövlət başçısına kompleksdə yaradılmış şərait barədə məlumat verib.
Bildirilib ki, ərazisi 13 hektardan çox olan kompleksdə 11 məhəllə var. Burada 60 bina inşa edilib. Kompleksdə 114-ü birotaqlı, 464-ü ikiotaqlı, 536-sı üçotaqlı, 154-ü dördotaqlı olmaqla ümumilikdə 1268 mənzil var.
Dekabrda buraya 104 ailənin (426 nəfər) köçürülməsi nəzərdə tutulur. 2026-cı ilin yanvar-fevral aylarında isə daha 1164 ailə (4772 nəfər) köçürüləcək.
Binalar daimi su, elektrik və sürətli internet xətləri, mənzillər isə istilik və isti su ilə təmin edilib. Kompleksin ərazisində genişmiqyaslı abadlıq-quruculuq işləri görülüb, uzunluğu 5 kilometrə yaxın olan daxili yollar çəkilib, idman və uşaq oyun meydançaları, velosiped zolağı, yeraltı və yerüstü avtomobil dayanacaqları yaradılıb.
#İlham Əliyev teqi istifadə olunub
- İlham Əliyev Azərbaycanı necə qalib ölkəyə çevirdi? | AYDIN TARİX
- Türkiyə, Qazaxıstan və İsrail prezidentlərindən İlham Əliyevə zəng - Baku TV
- Prezident Xankəndidə Zəfər parkının açılışında
- Prezident Ağdamda 2-ci yaşayış kompleksinin açılışında iştirak etdi - Baku TV
- Mirziyoyev, Vuçiç və Kobaxidzenin İlham Əliyevə zəngi ilə bağlı detallar - Baku TV
