Prezident Oksfordda Finlandiya Prezidenti Aleksandr Stubb ilə görüşüb
Prezident İlham Əliyev iyulun 18-də Oksfordda qarşı tərəfin müraciətinə əsasən Finlandiya Respublikasının Prezidenti Aleksandr Stubb ilə görüşüb.
Söhbət zamanı Azərbaycanla Finlandiya arasında ikitərəfli münasibətlərin perspektivlərinə dair fikir mübadiləsi aparılıb.
Ermənistanla Azərbaycan arasında sülh gündəliyi ilə əlaqədar məsələlərə toxunulub.
Dövlət başçısı sülh gündəliyinin irəli aparılması və sülh müqaviləsinin imzalanması üçün Ermənistanın Konstitusiyasında müvafiq dəyişikliklərin edilməsinin vacibliyini bir daha vurğulayıb.
Görüşdə Avropanın enerji təhlükəsizliyi məsələləri müzakirə olunub.
Finlandiya Prezidenti böyükmiqyaslı tədbir olan COP29-un ölkəmizdə keçirilməsi münasibətilə dövlət başçısını təbrik edib. Aleksandr Stubb bu tədbirdə məmnuniyyətlə iştirak edəcəyini deyərək, onun təşkilində Azərbaycana uğurlar arzulayıb.
Söhbət zamanı Münxen Təhlükəsizlik Konfransı formatında olduğu kimi, Ermənistanla Azərbaycan arasında görüşün keçirilməsi barədə Böyük Britaniyanın təklifinin Ermənistan tərəfindən müsbət cavablandırılmamasının təəccüb doğurduğu bildirilib, bunun başadüşülən olmadığı çox böyük təəssüflə qeyd edilib.
#İlham Əliyev teqi istifadə olunub
- Prezidentin "Avropa Siyasi Birliyi"nin 8-ci Zirvə toplantısında videobağlantı formatında çıxışı
- İlham Əliyev İrəvanda keçirilən tədbirdə videobağlantı formatında çıxış etdi
- Prezident “Avropa Siyasi Birliyi”nin toplantısında videobağlantı formatında çıxış etdi - Baku TV
- Neft bazarında yeni oyunlar | ABŞ OPEK və Rusiya ilə bağlı planını reallaşdırır? - YEKUNLAŞDIRAQ
- Prezident İlham Əliyev Polşalı həmkarını təbrik edib - Baku TV
