Putin: Ermənistan bu yolu seçdi, Azərbaycan öz torpaqlarına qovuşdu

Rusiya Prezidenti Vladimir Putin “Valday” Beynəlxalq Diskussiya Klubunun plenar iclasındakı çıxışı zamanı Ermənistan tərəfinə dəfələrlə Azərbaycanla təmasların vacibliyi barədə çağırış etməsinə baxmayaraq, neqativ cavabla qarşılandığını bildirib. Rusiyannın dövlət başçısı Azərbaycanın həyata keçırdiyi anti-terror tədbirləri nəticəsində öz əzəli torpaqlarına qovuşduğunu da dilə gətirib.

“Mənim indi burda səsləndirdiyim fikirlər heç kim üçün sirr deyil. Biz son 15 ildə Ermənistan hakimiyyətinə Azərbaycanla kompromisə getmə təklifləri irəli sürən danışıq tərəftarı olmuşuq. Azərbaycanın çox dinamik inkişafda bir ölkə olduğunu deməyimizə baxmayaraq, neft və qaz yataqları ilə zəngin ölkə ilə stabil munasibətlərin daha səmərəli olması xəbərdarlığımıza məhəl qoymayan Ermənistan hər dəfə yeni variantlar təklif edirdi. Onların seçimi həmişə müharibə olurdu.

Bizim dəfələrlə “Laçın” yolu üzərindən iki ölkə arasında gediş-gəlişi təmin etmək istəyimiz və tərəflərin təhlükəsizliyinə cavabdeh tərəf kimi qarant durmağımız belə onları qane etmədi. Hər təşəbbüsümüzün sonunda “yox, biz müharibə edəcəyik” ifadəsi səsləndi.

Uzun illərdən sonra İlk dəfə tərəflər arasında münaqişə 2020-ci ildə yaşandı və həmin ərəfədə biz yenə də gərginliyi dayandırmağa müvəffəq olsaq da, Rəsmi İrəvana etdiyim telefon zənginin qarşılıqında onlar yenə danışıq yox, “biz savaşacağıq” ifadəsini işlətdilər”, – deyə Rusiya lideri qeyd edib.

Putin həmçinin Rusiya sülhməramlılarının Qarabağdakı statusundan danışarkən bildirib ki, onların hüququ yalnız atəşkəs rejiminə əməl etməkdir.