Putin Moskvadakı terroru törədənlərə xəbərdarlıq etdi | Terror aktını törədənlərin niyyəti...

“Crocus City Hall”da baş verən terror aktını sifariş edənlər mütləq tapılacaq”.

Bunu Rusiya Prezidenti Vladimir Putin Daxili İşlər Nazirliyinin kollegial iclasında çıxışı zamanı deyib.

O bildirib ki, zəncirin bütün halqalarını tamamlamaq və terror aktından son faydalananları müəyyən etmək vacibdir:

“Terror aktının baş verdiyi bu böyük obyektə görə məsuliyyət daşıyan hüquq-mühafizə orqanlarının nəzarət xidmətləri və kommersiya təşkilatları hərtərəfli yoxlanılacaq. Moskva vilayətindəki terror aktı ilə bağlı vəziyyətin təhlili son dərəcə obyektiv və peşəkar olmalıdır. Fövqəladə hallara qarşı hazırlıq artırılmalıdır. Ölkədəki ictimai yerlər diqqətlə qorunmalıdır. Çünki bu hadisə bizə çox baha başa gəldi. Terror aktı ölkə daxilində nifaq salmaq üçün törədilib və bu, qəbuledilməzdir. Onu sifariş edənlər Rusiyanı parçalamaq istəyirdilər”.