Putin və Ərdoğan Çində | Mühüm səfərlə bağlı məlumatlar açıqlandı

Türkiyə Prezidenti Rəcəb Tayyib Ərdoğan Şanxay Əməkdaşlıq Təşkilatına üzv ölkələrin Dövlət Başçıları Şurasının 25-ci Zirvə Toplantısında iştirak etmək üçün Çinin Tianjin şəhərinə səfər edib.

Prezidenti Tianjin Beynəlxalq Hava Limanında Çinin dövlət naziri Ley Haycao, Türkiyənin Pekindəki səfiri Səlçuk Ünal və səfirliyin əməkdaşları qarşılayıblar. Ərdoğan Si Cinpin və digər liderlərlə ikitərəfli görüşlər keçirəcək.

Türkiyə Prezidenti ilə yanaşı, Rusiya Prezidenti Vladimir Putin də 4 günlük səfər üçün Çinə gedib.

Putin əvvəlcə 20-yə yaxın dünya lideri ilə birlikdə çinli həmkarı Si Cinpinin ev sahibliyi ilə Şanxay Əməkdaşlıq Təşkilatının 2 günlük sammitində iştirak edəcək.

Daha sonra isə çinli həmkarı ilə danışıqlar aparmaq məqsədilə sentyabrın 3-də paytaxt Pekinə səfər edəcək. Eyni zamanda liderlər Pekində keçiriləcək kütləvi hərbi paradda iştirak edəcəklər.