Qarabağ həqiqətlərinə susmayan rusiyalı blogerə Ermənistandan şok qadağa

Ermənistan rusiyalı dizayner və bloqçu Artemi Lebedevin ölkəyə girişini rəsmən qadağan edib.

Məşhur dizaynerin adı son illər regionda siyasi mübahisələrin mərkəzinə düşmüş şəxs kimi tanınır.

A.Lebedev postsovet məkanının ən məşhur və qalmaqallı video səyyahlarından biridir.

Onun sərt, filtrsiz danışıq tərzi və siyasi mövzulara açıq müdaxiləsi tez-tez mübahisələrə səbəb olur.

A.Lebedev Qarabağ mövzusu ilə bağlı dəfələrlə Azərbaycanın mövqeyini açıq şəkildə dəstəkləyib, Ermənistanı kəskin tənqid edib.

Onun Bakıya və regionlara etdiyi səfərlərlə bağlı hazırladığı videobloqlar milyonlarla baxış toplayıb və geniş auditoriyada böyük rezonans doğurub.

Ermənistan ictimaiyyəti uzun müddətdir A.Lebedevin ölkəyə gəlişini “təxribat”, “hörmətsizlik” və “təhlükə” kimi qiymətləndirirdi.

Ermənistan hökuməti son illər mövqeyini tənqid edən və ya onun siyasəti ilə zidd mövqe sərgiləyən bir sıra xarici jurnalist və bloqçulara oxşar qadağalar tətbiq edib.