Qarabağa qanunsuz səfər edən əcnəbi jurnalistlər üzr istədi

Xarici İşlər Nazirliyi (XİN), Mətbuat Şurası və Medianın İnkişafı Agentliyi (MEDİA) Azərbaycan ərazilərinə qanunsuz səfər etmiş bəzi xarici media nümayəndələrinin "qara siyahı"dan çıxarılması ilə bağlı bəyanat yayıb.

Bəyanat mətnini XİN-də keçirilən brifinqdə Nazirliyinin Mətbuat xidməti idarəsinin rəisi Ayxan Hacızadə oxuyub.

Bəyanatda 58 nəfərin adının "qara siyahı"dan çıxarıldığı bildirilir: “Məhz “Heydər Əliyev İli” çərçivəsində və Azərbaycan Respublikasında milli mətbuatın yaranmasının 148 illiyində Azərbaycan tərəfi keçmiş işğal olunmuş ərazilərə qanunsuz səfər edən 58 xarici media nümayəndəsinin adının bu siyahıdan çıxarılmasına dair qərar qəbul edib. Beləliklə, adları dərc olunan şəxslərin Azərbaycan ərazisinə daxil olmasına qoyulan qadağa aradan qaldırılıb”.