Qarabağda sülhməramlıların daha bir müşahidə məntəqəsi ləğv olundu

Azərbaycanın Qarabağ bölgəsində müvəqqəti olaraq yerləşdirilən Rusiya sülhməramlılarının Ağdərə rayonunda bir müşahidə məntəqəsi bağlanıb.

Bu barədə Rusiya Müdafiə Nazirliyi məlumat yayıb. Bildirilib ki, son 24 saat ərzində müşahidə məntəqələrinin optimallaşdırılması ilə əlaqədar Ağdərə rayonunda 27 nömrəli post bağlanıb.

Rusiya Xarici İşlər Nazirliyinin rəsmi nümayəndəsi Mariya Zaxarova oktyabrın 10-da keçirdiyi brifinqdə bildirib ki, artıq Rusiya sülhməramlılarının bir sıra stasionar və müvəqqəti müşahidə postları yığışdırılıb. Onun sözlərinə görə, sülhməramlılara aid prinsipial məsələlər Bakı ilə müzakirə olunur.