Qazaxıstanlı qonaqlar NATO standartlarının Azərbaycan Ordusunda tətbiqi ilə tanış oldular

Azərbaycan və Qazaxıstan Müdafiə nazirlikləri arasında 2025-ci il üçün ikitərəfli hərbi əməkdaşlıq planına əsasən, Bakıda iki ölkənin Müdafiə nazirliklərinin əməkdaşları arasında görüş keçirilib.

Bu barədə Müdafiə Nazirliyi məlumat yayıb.

Nazirliyin Beynəlxalq Hərbi Əməkdaşlıq İdarəsində keçirilən görüşdə qazaxıstanlı qonaqlara Azərbaycan Ordusunda Əməliyyat İmkanları Konsepsiyası proqramı, təhsil sistemində aparılan islahatlar, müdafiə planlaşdırılması çərçivəsində planlama, proqramlaşdırma, büdcələşdirmə sisteminin tətbiqi ilə bağlı brifinq təqdim edilib.

Qonaqlar Əməliyyat İmkanları Konsepsiyası taborunda NATO standartlarının Azərbaycan Ordusunda tətbiqi ilə tanış olublar.

Sonda qarşılıqlı maraq doğuran suallar cavablandırılıb, tərəflər arasında ətraflı fikir mübadiləsi aparılıb.