Qərbi Azərbaycan İcması etiraz etdi
Qərbi Azərbaycan İcması Avropa Parlamentinin Azərbaycan və Ermənistanla bağlı qətnamələrinə etiraz edib. Bu barədə İcmanın mətbuat xidməti məlumat yayıb.
Məlumata əsasən, Avropa Parlamenti tərəfindən martın 15-də qəbul edilmiş məlum qətnamələr Ermənistanın zorakılıq yolu ilə qovduğu azərbaycanlıların təmsilçisi olan İcma üçün birbaşa maraq kəsb edir.
İcmanın məlumatında qeyd olunub ki, Ermənistanın yoxlanılmış və yoxlanılmamış bütün iddialarının hər birinə gen-bol yer verən qətnamə müəlliflərinin yaxın keçmişdə azərbaycanlıların sayca üstünlük təşkil etdiyi indiki Ermənistan ərazisində indi bir nəfər belə olsun azərbaycanlının qalmaması, orada Azərbaycanın mədəni irsinin yer üzündən silinməsi, yer adlarının kütləvi şəkildə dəyişdirilməsi kimi insanlıq əleyhinə cinayətlərə susmaları açıq-aşkar qərəzdir.
Qərbi Azərbaycan İcması həmçinin “Avropa İttifaqı - Ermənistan əlaqələrinə dair” adlı qətnamədə tövsiyə edilən, barışıq naminə həqiqətlərin araşdırılması üçün birgə səylərdə iştirak etməyə hazır olduqlarını da vurğulayıb.