Qriqoryan ermənilərə qaranlıq qalan məsələyə aydınlıq gətirdi

“Hesab edirik ki, delimitasiya prosesi yaxşı keçdi. Ermənistan ərazisinin bir millimetri belə Azərbaycana verilməyib.

Bu barədə Ermənistan Təhlükəsizlik Şurasının katibi Armen Qriqoryan ölkənin “İctimai Televiziya”sının efirində bildirib.

Ermənistan və Azərbaycanın çox mühüm razılaşma əldə etdiyini deyən A.Qriqoryan bildirib ki, Alma-Ata bəyannaməsi əsasında sərhədlərin delimitasiyası prosesinə bir prinsip kimi başlamaq, həmçinin hüquqi xəritələrin müəyyənləşdirilməsi mühüm məsələdir. Delimitasiya prosesində sərhəd çəkilib, sərhəd xəttinin bu tərəfində Ermənistan, o biri tərəfində Azərbaycan ərazisi var.

Təhlükəsizlik Şurasının katibi erməniləri əmin edib ki, Tavuşun Voskepar kəndi ərazisindəki kilsə Azərbaycanın nəzarətinə keçməyib, Ermənistan ərazisində qalıb və sərhəd xəttindən kifayət qədər uzaqdır.

Əlavə olunub ki, sərhədlərin delimitasiyası prosesi uğurla davam edir.