"Bu xəstəxananı niyə tikdilər, niyə istifadəyə verilmir?" | Millət vəkili səhiyyə nazirinə səsləndi

"Apteklərdə satılan dərman preparatlarının içərisindəki məlumat həddindən artıq uzun və başa düşülməyən stildə yazılır. Xəstə isə bunları oxuyub başa çıxa bilmir".

Bunu deputat Səyyad Salahlı Milli Məclisin bu gün keçirilən plenar iclasında "Dövlət Sosial Müdafiə Fondunun və İşsizlikdən Sığorta Fondunun 2026-cı il büdcəsi haqqında" qanun layihələrinin müzakirəsi zamanı bildirib.

O bildirib ki, bu barədə seçicilər ona müraciət edib və narazılıq ediblər: "Seçicilərim mənə dərmanların təlimatlandırıcı içlik vərəqini veriblər. Qəzet yazırsınız? Bu qədər izahat olar?”.

Deputat həmçinin İmişlinin Aranlı kəndində 1980-ci ildə tikilən, lakin indiyədək istifadəyə verilməyən xəstəxananın vəziyyətinə də toxunub:

“Bu xəstəxananı niyə tikdilər, niyə istifadə olunmadı? Xahiş edirəm, səhiyyə naziri Teymur Musayev bu məsələ ilə maraqlansın”.