"Teknofest-2023" öz işini uğurla başa çatdırdı

Türkiyənin son illərdə hərb sənayesində və texnologiya sahəsində əldə etdiyi uğurları artıq bütün dünyaya məlumdur. İnnovasiyaları ard-arda düzən qardaş ölkə səmada da yeni "Bayraktar"larını sərgiləyir.

2018-ci ildə ilk dəfə təşkil olunan “TEKNOFEST” 2023-cü il də həvəskarlarının gözünü yolda qoymadı. Hər kəs İstanbul Hava Limanından dünyaya verilən güc mesajının şahidi oldu. Burada Türkiyə lideri Rəcəb Tayyib Ərdoğanın əməyi danılmazdır.

Türkiyədə informasiya texnologiyalarının bu inkişaf tempindən həm vətəndaşlar, həm sahibkarlar, həm də dövlət qazanclı çıxır. “TEKNOFEST” kimi tədbirlərdə müasir texnologiyaların nümayiş etdirilməsi, yerli startapların və mütəxəssislərin tədbirdə yaxından iştirakı dövlətin gücünə güc qatır.

Türkiyənin R.T.Ərdoğanın rəhbərliyi altında imza atdığı uğurlar bir daha onu göstərir ki, qardaş ölkəni bu lidersiz təsəvvür etmək mümkün deyil. Dünya ölkələri də Türkiyənin yatırımlarını görür və bu ölkə ilə münasibətləri daha da dərinləşdirməkdə qərarlıdır.