Roman Baqdasaryan Qalstanyana od püskürdü | Elə sənin tayın olan o…

Erməniəsilli bloger Roman Baqdasaryan ənənəvi onlayn çıxışında yenə od püskürüb.

Regional mövzuları müzakirə edərkən o, növbəti dəfə “saxtakarlar”, “satqınlar” deyərək keşişlərə söz atıb.

Məlum məsələdir ki, R.Baqdasaryanın hədəfində öz məkrli istəklərini din donu altında gizlədən Baqrat Qalstanyan da olub.

O, müraciətində “Sənin sayəndə hamı Qarabağdan Ermənistana köçən ermənilərə nifrət edir”, “Sən bizim üz qaramızsan, bizi biabır etmisən” deyərək keşişə səslənib:

“Baqrat elə etdi ki, Qarabağdan Ermənistana köçən ermənilər mitinqlərə qoşuldular və özlərini biabır etdilər. Sizə deyim ki, o bunu bilərəkdən etdi. Erməni klanı insanları bir cür biabır etdi taladı, bu da başqa cür.

Son 8 ayda baş verən hadisələrə görə İrəvanda yaşayan ermənilər Qarabağı tərk edib paytaxta qayıdanlara qucaq açaraq, onlara mərhəmətli yanaşırdısa, bu hadisələrdən sonra o münasibətdən əsər-əlamət yoxdur. İndi hamı onlara nifrət edir.

Bir zamanlar mən onları tənqid edəndə məni kimsə anlamırdı, qınayırdı. Amma hadisələrin gedişatı onu göstərdi ki, mən haqlı idim. Nə deyirdimsə, düz deyirdim. Hakimiyyəti devirməyə çalışan, burnunun ucundan o yanı görməyənləri qınamayıb, tənqid etməyib nə edim?

Baqrat sən gör nə qədər şərəfsiz adamsan ki, öz istəklərinə nail olmaq üçün Xankəndinin “mer”indən istifadə edirsən. Elə sənin tayın olan o qondarma merin arvadı da sizə qoşularaq bizi biabır edir. Niyyətiniz nədir? Sənin adamların dinc, sivil insanların rifahının pis olmasından istifadə edərək onlara pul verib, mitinqlərə çıxarmağa sövq edir. Elə bilirsən ki, bilmirik bunları? Öldürdüyünüz adamların ahını necə siləcəksiniz çirkab vicdanınızdan?”.