Rusiya Ordusunu Azərbaycan sərhədinə gətirmək istəyir?

“Biz Kollektiv Təhlükəsizlik Müqaviləsi Təşkilatı missiyasını Ermənistan-Azərbaycan sərhədində yerləşdirməyə hazır olduğumuzu bir daha təsdiqləyirik”.

Bunu Rusiya xarici işlər nazirinin müavini Mixail Qaluzin yerli telekanallardan birinə müsahibəsində deyib.

“Biz KTMT-də mövcud qarşılıqlı fəaliyyət formatları çərçivəsində Daimi Şuranın iclaslarından tutmuş, təşkilatın ali orqanı olan Kollektiv Təhlükəsizlik Şurasına qədər erməni tərəfinin bütün narahatlığını açıq şəkildə müzakirə edirik. Öz tərəfimizdən Ermənistanın təhlükəsizliyinin təmin edilməsi maraqları, habelə KTMT-nin Kollektiv Təhlükəsizlik Layihəsində nəzərdə tutulan dəstək proqramları çərçivəsində Ermənistan-Azərbaycan sərhədində missiyamızı yerləşdirməyə hazır olduğumuzu bir daha təsdiqləyirik. Biz bu işə Ermənistanın özü qədər hazırıq”, - deyə Rusiya xarici işlər nazirinin müavini bildirib.