Rusiya rəsmisindən gülünc açıqlama | Günahlandırılan azərbaycanlı onları ifşa etdi

Rusiyanın İstintaq Komitəsinin Baş İdarəsi Sverdlovsk vilayətində 2001, 2010, 2011-ci illərdə azərbaycanlılara qarşı qətl və sui-qəsdlə bağlı cinayət işinin təhqiqatlarını davam etdirir.

Fiqurantlar arasında Məzahir Səfərov, Akif Səfərov, Ayaz Səfərov, Şahin Lalayev və Bakir Səfərov var.

Rusiya İstintaq Komitəsinin məlumatına görə, onlardan 5-nə qarşı əvvəlcədən əlbir olmaqla qətl, sifarişli qətl və sui-qəsd maddələri ilə ittiham irəli sürülüb. Rusiya vətəndaşı olan 6 nəfər hazırda polisin nəzarətinə verilib.

“Yekaterinburqda saxlanılan azərbaycanlıların ittiham olunduğu qətllərin motivi biznesdə nüfuz dairələrinin bölgüsü zamanı yaranan münaqişədir”.

Bunu TASS-a Rusiya İstintaq Komitəsinin rəsmi nümayəndəsi Svetlana Petrenko açıqlayıb.

Bununla yanaşı bildirilib ki, günahlandırılanlardan biri ifadəsində cinayət barədə ətraflı məlumat verib. Həmçinin əlbir olduğu digərlərini də ifşa edib.