Rusiya rəsmisindən Moskva-Bakı münasibətləri ilə bağlı açıqlama

Rusiya və Azərbaycan ikitərəfli münasibətlərin çiçəklənmə dövrünü yaşayır.

Bunu Rusiya Federasiyası Baş nazirinin müavini Aleksey Overçuk “Primakov qiraətləri”ndə çıxışı zamanı deyib.

Onun sözlərinə görə, Moskva və Bakı “Şimal-Cənub” beynəlxalq nəqliyyat dəhlizinin inkişafı və digər layihələr üzrə uğurla əməkdaşlıq edirlər:

“Biz Azərbaycanla münasibətlərin çiçəklənmə dövrünü yaşayırıq. Bir sıra maraqlı, o cümlədən sənayenin inkişafı ilə bağlı layihələrimiz var, buraxılış məntəqələrimizi birgə modernləşdirdik. Nəqliyyat vasitələrinin keçidi ilə bağlı işlər çox səmərəli şəkildə aparılır. Sərhəddə heç bir gecikmə yoxdur”.