Rusiyada Azərbaycandan idxal edilən məhsula qadağa | İqtisadçı məsələyə aydınlıq gətirdi

Azərbaycandan Rusiyanın Krasnodar vilayətində müvəqqəti saxlanc anbarına daxil olan, ümumi həcmi 18 ton olan təzə şaftalı və nektarinin 2 partiyasında Qərb çiçək tripsi zərərvericisinin aşkar edildiyi iddia olunur.

Bu barədə “Rosselxoznadzor” məlumat yayıb.

Novosibirskdə isə Azərbaycandan idxal edilən pomidora qadağa qoyulub. İddia olunur ki, yoxlama zamanı məhsulda pomidor güvəsi aşkarlanıb. Belarus da Azərbaycandan gələn kartofda “zərərli birləşmələr” aşkarlayıb. Bu ölkənin sanitar-epidemioloji xidməti Azərbaycandan gələn kartofda nitratlar aşkar etdiyini açıqlayıb.

İqtisadçı Eldəniz Əmirovun sözlərinə görə, bu gün Azərbaycan ixracında ən mənfi tərəflərdən biri kənd təsərrüfatı məhsullarının ixracında Rusiyadan böyük ölçüdə asılılıqdır:

“Ona görə də ilk növbədə alternativ istiqamətlərin daha da genişləndirilməsinə və mümkün potensialın üzə çıxarılmasına ehtiyac var . Alternativ istiqamətlər dedikdə ilk növbədə Şərqi Avropa, Körfəz ölkələrinə baxmaq olar. Onsuz da münasibətlər kifayət qədər üst səviyyədədir”.

Ekspertlər deyirlər ki, bu asılılıq risk yaradır və alternativ bazarlara çıxış üçün artıq planlı addımlar atılmalıdır.