Rusiyada yaşayan azərbaycanlıların Vətənə qayıtmasının səbəbi nədir?

Sankt-Peterburqda və Leninqrad vilayətində miqrasiya xidməti miqrantların kütləvi geri axınını qeydə alıb.

Belə ki, 2023-cü ildə 330 min əmək miqrantı qeydə alınıbsa, 2022-ci ildə bu rəqəm 342 minə yaxın olub.

Rusiya Daxili İşlər Nazirliyinin Baş İdarəsinin mətbuat xidmətindən verilən məlumata görə, il ərzində regionda əcnəbilərin sayı 12 min nəfər azalıb.

Rusiya KİV-də yayımlanan məlumatlarda bildirilib ki, əsasən Azərbaycan, Moldova, Tacikistan və Özbəkistandan olan miqrantlar Federasiyanı tərk edərək vətənlərinə geri qayıdırlar.

Sosiologiya elmləri namizədi Yuliya Bayer isə müsahibəsində bildirib ki, miqrantların Rusiyanı tərk etmələri üçün iki səbəb ola bilər. Bunlar rublun məzənnəsinin zəifləməsi və səfərbərlik nəticəsində müharibəyə cəlb olunmaq qorxusudur.

Xanım Y.Bayerin sözlərinə görə, bu da əcnəbilərin Rusiyada qalmasının onlar üçün sərfəli olmadığını göstərir.