Rusiyadan ABŞ-nin Qarabağ açıqlamasına reaksiya

“Qərbin Ermənistan-Azərbaycan münasibətlərinin normallaşmasına cəlb olunması ilə miqyaslı problemlər yaranmağa başladı”.

Bunu Rusiya Xarici İşlər Nazirliyinin rəsmi nümayəndəsi Mariya Zaxarova martın 23-də keçirdiyi brifinqdə deyib. Onun sözlərinə görə, Qərbin sülh haqqında səsləndirdiyi fikirlər və yardım səyləri ilə bağlı bəyanatları real vəziyyətlə ziddiyyət təşkil edir.

XİN sözçüsü ABŞ dövlət katibi Antoni Blinkenin “Yaxın vaxtlarda Azərbaycanla Ermənistan arasında sülh sazişi imzalana bilər” bəyanatına da münasibət bildirib və qeyd edib ki, sülh sazişi imzalanmadığı müddətdə şərh ediləsi bir şey yoxdur.