Rusiyadan Ermənistana "şillə" : Sülh danışıqlarını Ermənistan pozur

"Rusiyanın Ermənistan-Azərbaycan sülh müqaviləsi danışıqları üçün platforma təqdim etmək təklifi qüvvədə qalır".

Bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.

O bildirib ki, Ermənistan tərəfinin mövqeyini qiymətləndirmək çətindir: "Ermənistan və Azərbaycan xarici işlər nazirlərinin sülh müqaviləsi üzrə görüşü 2022-ci il dekabrın 23-də Moskvada keçirilməli idi. İki ölkənin liderləri də buna razılıq vermişdilər. Bunun üçün hər şey hazırlanmışdı. Amma Ermənistanın xarici işlər naziri Ararat Mirzoyanın səfərini bu ölkənin rəhbərliyi son anda ləğv edib. Bu, təkcə sülh müqaviləsinin deyil, həm də Ermənistan-Azərbaycan münasibətlərinin normallaşması ilə bağlı digər aktual məsələlərin, o cümlədən Laçın yolunun ətrafındakı vəziyyətin müzakirəsinə mane oldu".

M.Zaxarova qeyd edib ki, sülh müqaviləsi üzrə Ermənistan-Azərbaycan danışıqları qüvvədə qalır.