Rusiyalı politoloq: Fransa Ermənistanı silahla doldurur

“Ermənistanın Azərbaycanla münasibətlərindəki problemini onun əvəzinə Avropa İttifaqının həll edəcəyinə ümidlənən İrəvanda hazırda baş verənlər axmaqlıqdır. Fransa indi Ermənistanı silahla doldurur”. Bunu rusiyalı politoloq Aleksandr Artamonov Baku TV-ə açıqlamasında deyib.

“Nə Fransa, nə də ABŞ Ermənistanın məsələsini həll edəcək. Əksinə, onlar birlikdə elə hərəkət edirlər ki, regionda böyük münaqişə yaransın. Bu da Azərbaycana sərf etmir. İrəvanda “Ermənistandan rusları qovub paralel olaraq revanşist münaqişəsi təşkil edək” deyənləri maliyyələşdirən dağıdıcı qüvvələr, əslində, Cənubi Qafqazı dağıtmağa çalışırlar. Bilirlər ki, Fransa kəşfiyyatı tərəfindən Jirayr Sefilian vasitəsilə maliyyələşdirilən “Sasna Tsrer” kimi ekstremist təşkilatlar var. Biz şadıq ki, Vardanyan nəhayət qovuldu və bu, çoxdan gözlənilən qərar idi. Təcili olaraq Ermənistan-Azərbaycan xəttindəki problemi həll etmək və Ermənistanı normal vəziyyətə salmaq lazımdır. Çünki daha bir münaqişə və BMT-nin qərarına əməl edilməməsi yeni qarşıdurmaya səbəb olacaq”, - deyə A.Artamanov əlavə edib.