Sən Baş nazirsən, yoxsa...? | Paşinyan onu tənqid edən şəxsə görün nələr dedi

Ermənistanın Baş naziri Nikol Paşinyan öz “Facebook” hesabında istifadəçilərdən biri Aleks Gevorkyanın tənqidi ilə üzləşib.

“Sən indi baş nazirsən, yoxsa bloger? Qərar ver. Get işinlə məşğul ol”, – deyən Aleksə Paşinyanın cavabı yubanmayıb:

“Hörmətli Aleks Gevorqyan, sizin reaksiyanız məni təəccübləndirmir, çünki bizim reallıqda çox vaxt şüursuz, tarixi əsaslı analitik qabiliyyəti olmayan istifadəçilərin şərhinə rast gəlirik.

Bu, bir növ kredit götürüb, onu ödəyə bilməməyə oxşayır. Əvvəl pulu ələ keçirib, sonra onunla necə davranacağını bilməyənlər bütün resursları istifadə etdikdən sonra boş vaxt itkilərini və borclarını yatırım adlandırmağa çalışırlar. İnsan nə edəcəyini, necə edəcəyini əvvəldən bilməlidir.

Hörmətsiz ritorikanıza gəlincə, əgər bu, özünüzə hörmətinizi artırmağa kömək edirsə, mən bu məqsədə xidmət etməyə hazıram. Amma yaxşı olar ki, sən Ermənistanda işləməklə, Ermənistan Respublikasına vergi ödəməklə özünə hörmət qazanasan. Əgər həqiqətən də bunu edirsənsə, sənə minnətdaram”.