Sərhədin delimitasiyası və minalardan təmizlənməsi məsələləri müzakirə edildi
Sentyabrın 5-də Azərbaycan Respublikası Baş nazirinin müavini Şahin Mustafayev və Ermənistan Respublikası Baş nazirinin müavini Mher Qriqoryanın rəhbərliyi ilə iki ölkənin nümayəndə heyətlərinin Azərbaycan Respublikasının və Ermənistan Respublikasının ərazisinə qarşılıqlı səfərləri baş tutub.
Bu il avqustun 8-də Vaşinqtonda əldə edilmiş razılaşmalara uyğun olaraq, tərəflər kommunikasiyaların yaradılması sahəsində fəaliyyətlərin sinxronlaşdırılması məqsədilə sərhəd xəttinin müvafiq hissələrinin delimitasiyası və minalardan təmizlənməsi, həmçinin zəruri infrastrukturun bərpası, tikinti və onların icra müddətləri ilə bağlı məsələləri müzakirə ediblər.
Nümayəndə heyətlərinin rəhbərləri Azərbaycan Respublikası ilə Ermənistan Respublikası arasında dövlət sərhədinin delimitasiyası üzrə Dövlət Komissiyasının və Ermənistan Respublikası ilə Azərbaycan Respublikası arasında dövlət sərhədinin delimitasiyası və sərhəd təhlükəsizliyi məsələləri üzrə Komissiyanın növbəti görüşünün təşkili ilə bağlı fikir mübadiləsi aparıblar.
#Şahin Mustafayev teqi istifadə olunub
- İrəvan görüşü delimitasiya prosesini siyasi etimad mərhələsinə daşıyır - Baku TV
- Paşinyan hansı mesajları verdi? - Azərbaycan və Ermənistan arasında tarixi mərhələ - Baku TV
- Bakı və İrəvan sərhəd məsələsini müzakirə etdi - 24 SAAT
- Azərbaycan-Rusiya əməkdaşlığı yeni mərhələyə qədəm qoyur - Baku TV
- Avropa Ukraynaya cəbhə açdı | Sosial şəbəkələrdən istifadə uşaqlara zərərlidir? - YENİ BİR SƏHƏR
