Simonyandan Qarabağla bağlı açıqlama

“İrəvan üçün artıq Qarabağ məsələsi mövcud deyil”.

Bu barədə Ermənistan parlamentinin spikeri Alen Simonyan jurnalistlərə açıqlamasında deyib.

Bildirib ki, rəsmi İrəvan tərkibində Qarabağın olduğu Azərbaycanın ərazi bütövlüyünü tanıyıb:

“Qarabağ məsələsi həll olunubmu nə deməkdir? Qarabağ məsələsinin həllinin və ya həll edilməməsinin mahiyyəti nədir? Ermənistanda hazırda belə bir məsələ yoxdur. Ermənistan Qarabağın da tərkibində olduğu Azərbaycanın ərazi bütövlüyünü tam dəstəkləyir. Yəqin ki, son il yarım ərzində biz bu barədə səkkiz dəfə danışmışıq”.

Spiker onu da bildirib ki, hazırda Ermənistan üçün əsas məsələ Azərbaycanla sülh müqaviləsinin imzalanmasıdır. Onun sözlərinə görə, demək olar ki, bütün fundamental məsələlərdə rəsmi Bakı ilə razılığa gəlinib.

A.Simonyan onu da əlavə edib ki, siyasi iradə olarsa, 15 gün ərzində Azərbaycan ilə sülh müqaviləsi bağlana bilər.