Solovyov və onun sahibləri nədən narahatdır?

“Rusiyanın media məkanında baş təbliğatçılardan biri olan Vladimir Solovyovun Prezident İlham Əliyevin “Əl-Ərəbiyyə” telekanalına verdiyi müsahibəyə reaksiyası gözlənilən idi. Bu reaksiya Rusiya mediasının səviyyəsini bir daha göstərir”.

Bu sözləri siyasi şərhçi Oqtay Qasımov Baku TV-yə açıqlamasında söyləyib.

Siyasi şərhçi bildirib ki, Solovyov və tərəfdarları keçmiş postsovet məkanı ölkələrində inkişaf və təhsilin məhz Rusiyadan qaynaqlandığını hesab edirlər ki, bu, böyük səhvdir:

“Prezident İlham Əliyevin Azərbaycan Xalq Cümhuriyyətinin Rusiya tərəfindən işğalı və Zəngəzurun Ermənistana verilməsi barədə fikirləri həqiqətdir, hədəfə dəyib”.

O.Qasımovun sözlərinə görə, AXC var olduğu iki il ərzində elm və təhsilə ciddi diqqət yetirmiş, yüzlərlə Azərbaycan gəncini Avropaya təhsil almağa göndərmişdi:

“AXC işğal olunmasaydı, Azərbaycan qərb elm və təhsil sistemini ölkəyə gətirərək inkişafını sürətləndirə bilərdi”.