“Sonsuz qardaşlıq - IV” çoxmillətli birgə xüsusi təyinatlı qüvvələr təlimi sona çatdı

Bakıda keçirilən "Sonsuz Qardaşlıq - IV" çoxmillətli birgə xüsusi təyinatlı qüvvələr təlimi möhtəşəm yekunla başa çatıb. Azərbaycan, Türkiyə, Pakistan, Qazaxıstan, Özbəkistan və Qətər xüsusi təyinatlılarının iştirak etdiyi təlimlərdə müasir döyüş metodları, terrorla mübarizə və birgə əməliyyatların icrası üzrə yüksək peşəkarlıq nümayiş etdirilib. Baku TV-nin təqdim etdiyi süjetdə zirehli texnikaların, ordu aviasiyasının və PUA-ların cəlb olunduğu təlimin ən maraqlı məqamları, həmçinin tədbirin sonunda iştirakçılar üçün təşkil olunan "Azərbaycan musiqi çələngi" adlı konsert proqramı yer alıb. Belarus, İtaliya və Macarıstanın müşahidəçi qismində izlədiyi bu təlim həm də regionda sülhün və təhlükəsizliyin qorunması üçün mühüm strateji mesajdır. Detallar Baku TV-də.