Sülh müqaviləsi Ermənistanda parlament seçkilərindən əvvəl bağlanacaq?
Ermənistanın Baş naziri Nikol Paşinyan bəyan edib ki, parlament seçkilərindən əvvəl Azərbaycanla sülh müqaviləsinin imzalanması hökumətin gündəliyinə salınıb.
Ermənistanda parlament seçkiləri isə 2026-cı il iyunun 7-nə planlaşdırılıb. Paşinyan bunu Ermənistanın İctimai Televiziyasına müsahibəsində deyib.
"Mənim belə bir gündəliyim var. Gündəlikdə müqavilənin ötən ilin dekabr, yanvar, oktyabr, aprel aylarında imzalanması da var idi, çünki sülh sazişi layihəsi üzrə müzakirələr keçən ilin martında başa çatıb. Beləliklə, işləməyə davam edəcəyik", – deyə o vurğulayıb.
Qeyd edək ki, artıq tərəflər arasında yekun addım kimi sülh müqaviləsinin bağlanması qalır. Bununla bağlı da əsas təkanverici hadisələrdən biri 2025 ci il avqustun 8-də ABŞ-də Azərbaycan və Ermənistan arasında Sülh sazişinin paraflanması oldu. Bu isə "Azərbaycan Respublikası və Ermənistan Respublikası arasında sülhün və dövlətlərarası münasibətlərin təsis olunması haqqında Saziş"in mətni üzrə razılığa gəlindiyini və texniki prosedurların tamamlandığını hüquqi olaraq təsdiq etdi.
#Nikol Paşinyan teqi istifadə olunub
- Paşinyan: “Rusiyanın ucbatından rəqabət üstünlüklərimizi itiririk”
- ABŞ Vitse-prezidenti İlham Əliyevə təşəkkür etdi - Baku TV
- Vaşinqton İrəvana milyardlarla dollar, Bakıya isə strateji qərarlarla gəlir - Baku TV
- ABŞ və Ermənistan arasında sənədlər imzalandı - 24 SAAT
- İrəvana 11 milyon dollar dəyərində müşahidə PUA-ları satılıb - Baku TV
