Sülhün şərtləri necə qoyulacaq? | Markedonov İlham Əliyevin müsahibəsini şərh etdi

“Azərbaycan Prezidenti İlham Əliyev “Rossiya seqodnya” Beynəlxalq İnformasiya Agentliyinin baş direktoru Dmitri Kiselevə verdiyi geniş müsahibəsində hadisələrin ətraflı şərhini təqdim etdi: “Biz sülh müqaviləsi çərçivəsində həqiqətən çox irəliləyiş əldə etmişik. Bu sənədin 17 maddəsinin 15-i razılaşdırılıb, ikisi qalıb”.

Birinci halda söhbət bir-birinə qarşı qarşılıqlı iddia irəli sürməkdən imtinadan, ikincisi isə xarici nümayəndələrin dövlət sərhədi boyunca yerləşməməsindən gedir”.

Bu sözləri rusiyalı politoloq Sergey Markedonov qeyd edib.

“Azərbaycan Prezidenti həm həmsöhbətinə, Rusiyanın nüfuzlu melia-personasına, həm də Rusiya hökumətində qərar qəbul edənlərə başa saldı ki, Qafqazda status-kvonun yenidən nəzərdən keçirilməsi onun üçün qəbuledilməzdir. Belə çıxır ki, məsələ təkcə müqavilənin iki bəndində deyil.

“İkinci Qarabağ müharibəsinin və 2023-cü ilin sentyabrında keçirilən antiterror əməliyyatının nəticələri onların yaddaşından silinməməlidir”, – İlham Əliyevin birmənalı xülasəsi.

Təkrar edirik, bu müraciət təkcə Nikol Paşinyana deyil.

D.Kiselevlə söhbət zamanı Əliyev açıq şəkildə bildirdi ki, gələcək sülhün şərtləri Bakının prioritet səsi ilə baş tutacaq və bu tezisləri bir növ yeni dönüş adlandırmaq olmaz. Əliyev, eləcə də onun administrasiyasının nümayəndələri ardıcıl olaraq bu kursu həyata keçirirlər ki, bunu Nikol Paşinyanın komandası haqqında demək olmaz. Ermənistanın Baş naziri və onun ətrafı tez-tez əvvəlcə “imtina edir”, sonra isə növbəti güzəştlərə qərar verirlər”, – S.Markedonov qeyd edib.