Suriyadakı dəyişikliklər neft-qaz sektoruna necə təsir edəcək? | Türkiyə üçün yeni imkanlar

Suriyanın neft və təbii qaz ehtiyatlarının 95 faizi Haseke, Rakka və Deyr-ez-Zor bölgələrində yerləşir. Zəngin neft ehtiyatlarına malik Deyr-ez-Zor eyni zamanda Suriyanın fosfat anbarı kimi də tanınır.

Maraqlıdır, siyasi vəziyyətin dəyişməsi ölkənin ən vacib sahəsi olan neft-qaz sektoruna necə təsir edəcək?

Nəzərə alaq ki, Suriyada gəlirlərin 25 faizi neft və qaz satışından əldə olunur. Hələ illər əvvəl neftlə zəngin ərazilər ABŞ Ordusunun və kürdlərin nəzarətində idi. Ancaq rəsmi Dəməşq bu gəlirli sahələrlə bağlı kürdlərə güzəştə getmək istəmirdi.

Digər tərəfdən də kürd silahlıları ilə mübarizə aparan Türkiyəni də bu amil narahat edirdi. Məsələn, Suriya ilə sərhəddəki Şırnak bölgəsində də hücum təhlükəsinə görə hasilat tam gücü ilə aparıla bilmirdi. Amma indi reallıq dəyişib.

Türkiyə Prezidenti Rəcəb Tayyib Ərdoğanın rəhbərliyi altında ölkədə enerjidaşıyıcıları idxalından asılılığın minimuma endirilməsi hədəflənir.

Bəs Suriyanın özündə neft və qaz sektorunun vəziyyəti necə olacaq?