Suriyadakı hadisələr İranın işini bitirib? - Tehranın Zəngəzur dəhlizindəki marağı

“İran Zəngəzurda Ermənistanın deyil, yalnız öz maraqlarını qoruyacaq”.

Bu sözləri rusiyalı politoloq Modest Kolerov “Hraparak”a geniş müsahibəsində deyib.

O bildirib ki, Paşinyan İranın dostu deyil və heç vaxt olmayacaq: “Buna görə də İran Zəngəzurda nə Paşinyanı, nə də Ermənistanı deyil, özünü qoruyacaq. Nəzəri cəhətdən elə bir bənzətmə təsəvvür etmək olar ki, iranpərəst qüvvələr Suriyada olduğu kimi, Zəngəzurda da peyda ola bilər”.

M.Kolerovun sözlərinə görə, məhz İranın sayəsində Azərbaycan və Türkiyə Zəngəzura girə bilmir: “Lakin Əsədin süqutu və Suriyanın terrorçuların nəzarətinə keçməsi İrana böyük zərbə oldu və bu, bəzi regional və beynəlxalq oyunçularda İranın zəiflədiyi haqda təsəvvür yaratdı. Zəngəzur Ermənistanın Axilles dabanıdır, zəif nöqtəsidir və yalnız İran bu məsələdə böyük rol oynaya, Zəngəzurun təhlükəsizliyinin qarantı ola bilər”.