Tahir Kərimlidən narkomanlarla bağlı təklif

“Cinayət Məcəlləsinin 234.1-ci maddəsi var. Yəni satış məqsədi olmadan narkotik vasitələrin və psixatrop maddələrin daşınması, istifadə olunması və s. Həbsxanaların az qala 60-70 faizi bu şəxslərlə doludur”.

Bunu Milli Məclisin dekabrın 26-da keçirilən iclasında deputat Tahir Kərimli deyib.

Onun sözlərinə görə, cəmiyyətdə gizlin deyil ki, bu şəxslərin həbsə alınması heç bir effekt vermir:

“Cinayət Məcəlləsinin bu maddəsini ləğv etmək, həmin şəxsləri məcburi müalicəyə yönəltmək lazımdır. Ona görə ki, müstəntiqlərimiz yorucu, lazımsız işlə yüklənirlər. Minlərlə belə işlə məşğul olurlar, həbsxanada dövlət vəsaiti sərf edilir. Bir sıra dövlətlərdə bu hal cinayət deyil”.